‘Thalaivar 171 Update’: இயக்குநர் த.செ.ஞானவேல் இயக்கத்தில் ரஜினிகாந்த் 170ஆவது படமான ‘வேட்டையன்’ படத்தில் நடித்து வருகிறார். இந்தப் படத்தை லைகா நிறுவனம் தயாரிக்கிறது. வேட்டையன் படத்தைத் தொடர்ந்து ரஜினிகாந்த், லோகேஷ் கனகராஜின் இயக்கத்தில் தலைவர் 171 படத்தில் நடிக்கவுள்ளார்.
இந்த படத்தை சன் பிக்சர்ஸ் தயாரிக்கிறது. மேலும், இந்த படத்திற்கு அனிருத் இசையமைக்கிறார். லோகேஷ் யுனிவர்ஸில் இருந்து இந்த படம் சற்று மாறுபட்ட படமாக இருக்கும் என லோகேஷ் கனகராஜ் ஒரு நேர்காணலில் கூறியிருந்தார்.
இந்நிலையில் தற்போது ‘தலைவர் 171’ படத்தைப் பற்றிய ஒரு சுவாரசியமான தகவல் ஒன்று வெளியாகியுள்ளது. அதன்படி, ‘தலைவர் 171’ படத்தின் படப்பிடிப்பு மே மாதம் தொடங்க உள்ளது.
இந்தப் படம் போதைப்பொருளை அடிப்படையாகக் கொண்டது அல்ல என்பது உறுதியாகியுள்ளது. லோகேஷ் கனகராஜின் கேரியரில் ஒரு வித்தியாசமான திரைப்படமாக இருக்கும்.
‘தலைவர் 171’ படத்தில் ரஜினிக்கு எதிரான் ஒரு முக்கியமான வில்லன் கதாபாத்திரத்தில் நடிகர் ராகவா லாரன்ஸ் நடிக்கவுள்ளதாகவும் கூறப்படுகிறது. தொடர்ந்து இது குறித்த அதிகாரப்பூர்வமான தகவல் விரைவில் வெளியாகும் என எதிர்பார்க்கப்படுகிறது.
இந்த படத்திற்கு ஒரு மிகப்பெரிய பட்ஜெட் ஒதுக்கப்பட்டுள்ளது. மேலும், ஐமேக்ஸ் கேமரா ஷூட் மற்றும் குறிப்பிட்ட காட்சிகள் படப்பிடிப்பு குறித்து படக்குழு திட்டமிட்டு வருகிறது. மேலும், படத்தின் முன்தயாரிப்பு வேலைகள் தற்போது நடந்து வருகின்றன.
