‘Kanguva’: இயக்குநர் சிவா இயக்கத்தில் சூர்யா நடிப்பில் உருவாகி வரும் திரைப்படம் ‘கங்குவா’. இந்த படத்தை ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கிறது.
இந்த படத்தில் பாலிவுட் நடிகை திஷா பதானி, கோவை சரளா, ஆனந்த் ராஜ், யோகி பாபு, கிங்ஸ்லி உள்ளிட்ட பலர் நடிக்கின்றனர். இந்த படத்திற்கு தேவி ஸ்ரீ பிரசாத் இசையமைக்கிறார்.
சரித்திர படமாக உருவாகும் கங்குவா, 10 மொழிகளில் வெளியாகவுள்ளதாக கூறப்படுகிறது. சமீபத்தில் இந்த படத்தின் பர்ஸ்ட் லுக் மற்றும் செகண்ட் லுக் போஸ்டர்கள் வெளியாகி ரசிகர்களிடம் நல்ல வரவேற்பு பெற்றது.
மேலும், படப்பிடிப்புகள் நிறைவடைந்த நிலையில், நடிகர் சூர்யா படத்தை பார்த்ததாகவும், பின்னர் படம் அருமையாக வந்திருப்பதாக பாராட்டியதாகவும் தகவல் வெளியானது.
இந்த நிலையில் தற்போது மீண்டும் ஒரு புதிய தகவல் வெளியாகையுள்ளது. அதன்படி, ‘கங்குவா’ படத்தில் தனது காட்சிகளுக்கான டப்பிங்கை நடிகர் சூர்யா தொடங்கியுள்ளார்.
இது குறித்த புகைப்படங்கள் தற்போது சமூக வலைத்தளங்களில் வைரலாகி வருகிறது. தொடர்ந்து, படத்தின் மீதான எதிர்பார்ப்புகள் ரசிகர்கள் மத்தியில் அதிகரித்துள்ளாதால் படத்தின் ரிலீஸுக்காக ஆவலுடன் காத்திருக்கின்றனர்.
