Aishvarya Rajinikanth: ஐஸ்வர்யா ரஜினிகாந்த் இயக்கத்தில் வெளியான திரைப்படம் ‘லால் சலாம்’. இந்தப் படத்தில் நடிகர் விக்ராந்த், நடிகர் விஷ்ணு விஷால் இருவரும் முதன்மை கதாபாத்திரங்களில் நடித்திருக்கின்றனர்.
முக்கியமாக ‘லால் சலாம்’ திரைப்படத்தில் ‘மொய்தீன் பாய்’ என்ற கதாபாத்திரத்தில் ரஜினிகாந்த் கௌரவ வேடத்தில் நடித்துள்ளார். இவருக்கு ஜோடியாக நிரோஷா நடித்துள்ளார்.
கிரிக்கெட்டை மையமாகக் கொண்டு ஐஸ்வர்யா ரஜினிகாந்த் லால் சலாம் படத்தை இயக்கியுள்ளார். இந்த படத்திற்கு ஏ.ஆர்.ரஹ்மான் இசை அமைத்துள்ளார். லைகா நிறுவனம் சார்பில் சுபாஷ்கரன் படத்தைத் தயாரித்துள்ளார்.
ரெட் ஜெயன்ட் நிறுவனம் தமிழ்நாட்டில் படத்தை வெளியிட்டது. இந்த படம் கடந்த பிப்ரவரி 9ஆம் தேதி ரிலீஸ் ஆனது. தொடர்ந்து திரையரங்குகளில் நல்ல வரவேற்பு பெற்றது.
இந்த நிலையில், தற்போது ஐஸ்வர்யா ரஜினிகாந்த் மீண்டும் இரு படத்தை இயக்கவுள்ளதாக தகவல் வெளியாகியுள்ளது. ஒரு சமூக பிரச்சனையை மையமாக வைத்து அந்த கதை உருவாகியுள்ளதாகவும் கூறப்படுகிறது.
இந்த படத்தில் நடிகர் சித்தார்த் கதாநாயகனாக நடிக்க இருப்பதாக கூறப்படுகிறது. கூடிய விரைவில் அதிகாரபூர்வ தகவல்கள் வெளியாகும் என எதிர்ப்பார்க்கப்படுகிறது.
