Uyir Thamizhukku: மூன் பிக்சர்ஸ் சார்பில் தயாரிப்பாளர் ஆதம்பாவா இயக்கி தயாரிக்கும் படம் ‘உயிர் தமிழுக்கு’. இந்த படத்தில் இயக்குநரும் நடிகருமான அமீர் கதாநாயகனாக நடிக்கிறார்.
இந்தப் படத்தில் சாந்தினி, ஆனந்த்தராஜ், ஶ்ரீதரன், இமான் அண்ணாச்சி, ராஜ் கபூர், மாரிமுத்து, சுப்ரமணியசிவா உள்ளிட்ட பலர் நடித்துள்ளனர். இந்த ‘உயிர் தமிழுக்கு’ படத்திற்கு வித்யாசாகர் இசையமைத்துள்ளார்.
மேலும், தேவராஜ் ஒளிப்பதிவு செய்துள்ளார். அசோக் சார்லஸ் படத்தொகுப்பு செய்திருக்கிறார். இந்த படத்திற்கான பாடல்களை பா.விஜய் எழுதியிருக்கிறார். படத்தின் வசனங்களை பாலமுரளி வர்மன் மற்றும் அஜயன்பாலா ஆகியோர் எழுதியுள்ளனர்.
முன்னதாக இந்த படத்தின் பர்ஸ்ட் லுக் போஸ்டர் ரிலீஸாகி ரசிகர்களிடம் நல்ல வரவேற்பு பெற்றது. இந்த நிலையில், நீண்ட நாள்களுக்குப் பிறகு ஒரு புதிய அப்டேட்டை படக்குழு வெளியிட்டுள்ளது.
அதன்படி, ‘உயிர் தமிழுக்கு’ படத்தின் டீசர் நாளை வெளியாகவுள்ளது. இது குறித்த அதிகாரப்பூர்வமான தகவலை படக்குழு போஸ்டர் மூலம் அறிவித்துள்ளது. இந்த போஸ்டர் தற்போது சமூக வலைத்தளங்களில் வைரலாகி வருகிறது.
