‘Article 370’: ஆதித்யா சுஹாஸ் ஜம்பலே இயக்கத்தில் நடிகை யாமி கெளதம் நடித்துள்ள படம் ‘ஆர்ட்டிகல் 370’. இந்த படத்தை ஜியோ ஸ்டுடியோஸ் & பி62 ஸ்டுடியோஸ் இணைந்து தயாரித்துள்ளது. இந்த படத்தில் பிரியா மணி முக்கிய கதாபாத்திரத்தில் நடிக்கிறார்.
இந்த படம் காஷ்மீரின் தலைவிதியை மாற்றிய உண்மை சம்பவங்களைக் கொண்டு உருவாக்கப்பட்டுள்ளதாக கூறப்படுகிறது. மேலும், ‘பத்லாபூர்’, ‘உரி: தி சர்ஜிக்கல் ஸ்டிரைக்’, ‘பாலா’, ‘ஏ தேர்ஸ்டே’ மற்றும் ‘சோர் நிகல் கே பாகா’ போன்ற படங்களைத் தொடர்ந்து யாமி கெளதம் நடிக்கும் அடுத்த அரசியல் படம் ‘ஆர்ட்டிகல் 370’.
இந்த படத்தில், கௌதம் ஒரு உளவுத்துறை ஏஜென்டாக நடிக்கிறார். ஆர்ட்டிகல் 370ஐ செயலிழக்கச் செய்வதன் மூலம் காஷ்மீரில் பயங்கரவாதத்தை அகற்றுவது போன்ற கதையாக இந்த உருவாகியுள்ளது.
‘ஆர்ட்டிகல் 370’ படம் நேற்று (பிப்.23) ரிலீஸாகி நல்ல வரவேற்பு பெற்று வருகிறது. இந்த நிலையில் தற்போது படத்தின் முதல் நாள் கலெக்ஷன் குறித்த அப்டேட் வெளியாகியுள்ளது.
அதன்படி, ‘ஆர்ட்டிகல் 370’ படம் முதல் நாளில் 5.75 கோடி ரூபாய் வசூல் செய்துள்ளதாக அறிவிக்கப்பட்டுள்ளது. தொடர்ந்து, இரண்டாவது நாளான இன்றும் படத்திற்கு ரசிகர்கள் கூட்டம் அலைமோதுவதாகவும், படத்திற்கு பாசிட்டிவ் ரெஸ்பான்ஸ்கள் வருவதாகவும் கூறப்படுகிறது.
