தமிழ் சினிமாவில் ‘சிவா மனசுல சக்தி’, ‘பாஸ் என்ற பாஸ்கரன்’ போன்ற காமெடி வெற்றி படங்களை இயக்கியவர் எம்.ராஜேஷ். இவர் சமீபத்தில் இயக்கிய படங்கள் அந்த அளவிற்கு ரசிகர்களை கவரவில்லை. தொடர் தோல்வியைச் சந்தித்து வந்தார்.
தற்போது நடிகர் ஜெயம் ரவியை வைத்து ‘பிரதர்’ என்ற படத்தை இயக்கி வருகிறார். இதனைத் தொடர்ந்து நடிகர் அதர்வாவை வைத்து புதிய படத்தை இயக்க இருப்பதாக கூறப்படுகிறது.
இந்த நிலையில் இந்தப் படத்தில் நடிகர் அதர்வாவிற்கு ஜோடியாக நடிகை அதிதி ஷங்கர் நடிக்க இருக்கிறார். நடிகர் கார்த்தி, சிவகார்த்திகேயன் ஆகியோரைத் தொடர்ந்து தற்போது அதர்வவுடன் நடிக்க இருக்கிறார்.
முன்னதாக அதர்வாவின் தம்பி ஆகாஷ் நடிகராக அறிமுகமாகும் படத்திலும் அதிதி ஷங்கர் நடித்துள்ளார். இது குறித்த தகவல்கள் முன்னதாக சமூக வலைத்தளங்களில் பரவி வந்த நிலையில் தற்போது இந்த கூட்டணி உறுதியானது.
இந்த நிலையில், தற்போது புதிய அப்டேட் என்னவென்றால் இந்த படத்தை ஸ்ரீ வாரி பிலிம் தயாரிப்பு நிறுவனம் தயாரிப்பதாக தகவல் வெளியாகியுள்ளது. இது குறித்த அதிகாரப்பூர்வமான தகவல் விரைவில் வெளியாகும் எனவும் கூறப்படுகிறது.
