‘Blue Star’: இயக்குநர் எஸ்.ஜெயகுமார் இயக்கத்தில் உருவாகியுள்ள படம் ‘புளூ ஸ்டார்’. இந்த படத்தில் நடிகர்கள் அசோக் செல்வன் மற்றும் ஷாந்தனு ஆகியோர் முதன்மை கதாபாத்திரத்தில் நடித்துள்ளனர்.
மேலும், இந்தப் படத்தில் கீர்த்தி பாண்டியன், பிரித்விராஜன், பகவதி பெருமாள் ஆகியோர் முக்கிய கதாபாத்திரங்களில் நடித்துள்ளனர். இந்தப் படத்தை லெமன் லீப் கிரியேஷன் பிரைவேட் லிமிடெட் மற்றும் நீலம் புரொடக்ஷன்ஸ் இணைந்து தயாரித்துள்ளது.
இந்தப் படத்திற்கு கோவிந்த் வசந்தா இசையமைத்துள்ளார். இந்த படம் உலகமுழுவதும் உள்ள திரையரங்குகளில் ஜன.25ஆம் தேதி வெளியானது. தொடர்ந்து ‘புளூ ஸ்டார்’ படத்திற்கு ரசிகர்கள் மத்தியில் நல்ல வரவேற்பு கிடைத்தது.
இந்த நிலையில், தற்போது இந்த படம் ஓடிடி தளத்தில் வெளியாகவுள்ளதாக படக்குழு அறிவித்துள்ளது. அதன்படி, ‘புளூ ஸ்டார்’ படம் வருகிற பிப்ரவரி மாதம் 29ஆம் தேதி ‘டெண்ட் கொட்டா’ ஓடிடி தளத்தில் வெளியாகவுள்ளது.
இது குறித்த அதிகாரப்பூர்வமான தகவலை ‘டெண்ட் கொட்டா’ ஓடிடி நிறுவனம் தனது ‘X’ தளத்தில் வெளியிட்டுள்ளது. தற்போது இந்த தகவல் சமூக வலைத்தளங்களில் வைரலாக பரவி வருகிறது.
தொடர்ந்து ‘புளூ ஸ்டார்’ படத்திற்கு ரசிகர்கள் மத்தியில் நல்ல வரவேற்பு கிடைத்தது. மேலும், இயக்குநர், நடிகர்களுக்கு ரசிகர்கள் வாழ்த்து கூறி வந்தனர். தொடர்ந்து பலரும் இந்த படத்தை பார்த்து பாராட்டி வருகின்றனர்.
