Box Office Collection: ஐஸ்வர்யா ரஜினிகாந்த் இயக்கத்தில் ரஜினிகாந்த், விஷ்ணு விஷால், விதார்த் உள்ளிட்ட பல நட்சத்திரங்கள் நடிப்பில் வெளியான திரைப்படம் ‘லால் சலாம்’. அதேபோல், இயக்குநர் பிரபுராம் வியாஸ் இயக்கத்தில் நடிகர் மணிகண்டன், ஸ்ரீகவுரி பிரியா ஆகியோர் நடித்து வெளியான திரைப்படம் ‘லவ்வர்’.
இந்த இரண்டு படங்களும் ஒரே நாள் பிப்ரவரி 9ஆம் தேதி ரிலீஸானது. முதல் நாளில் இரண்டு படங்களுக்குமே நல்ல வரவேற்பு கிடைத்தது. ஆனால், தற்போது படங்கள் ரிலீஸ் ஆகி நான்கு நாட்களான நிலையில் ‘லால் சலாம்’ படத்தை விட ‘லவ்வர்’ படத்தின் வசூல் அதிகரிக்க தொடங்கியதாக கூறப்படுகிறது.
அதன்படி, படம் ரிலீஸாக நான்காவது நாளில் ‘லவ்வர்’ படம் சுமார் 2 கோடி ரூபாய் வசூல் செய்துள்ளதாக கூறப்படுகிறது. அதேபோல், ‘லால் சலாம்’ திரைப்படம் வெறும் ஒரு கோடி மட்டும் வசூல் செய்துள்ளதாக கூறப்படுகிறது.
அதேபோல், ‘லால் சலாம்’ படம் நான்கு நாட்களில் சுமார் 24 கோடி ரூபாய் வசூலித்ததாகவும், ‘லவ்வர்’ படம் நான்கு நாட்களில் 7 கோடி ரூபாயைத் தாண்டி வசூல் செய்து வருவதாக கூறப்படுகிறது.
பெரிய பட்ஜெட்டில் வெளியான ‘லால் சலாம்’ படத்துடன் ஒப்பிடும் போது சிறிய பட்ஜெட்டில் வெளியான ‘லவ்வர்’ படத்தின் வசூல் அதிகரித்துள்ளதாக தெரிகிறது. மேலும், ‘லவ்வர்’ படத்திற்கு மக்கள் தங்களது பாராட்டுகளை தெரிவித்து வருகின்றனர்.
