Demonte Colony 2: 2015ஆம் ஆண்டு வெளியான ‘டிமான்ட்டி காலனி’ முதல் பாகத்தில் அருள்நிதி, ரமேஷ் திலக், சனத் உள்ளிட்ட பலர் நடித்திருந்தனர். இந்தப் படம் திரைக்கு வந்து மக்களிடம் நல்ல வரவேற்பைப் பெற்றது. மு.க.தமிழரசு தயாரிப்பில் உருவான இந்தப் படத்தினை தேனாண்டாள் பிலிம்ஸ் நிறுவனம் வெளியிட்டது.
தற்போது 7 ஆண்டுகளுக்குப் பிறகு ‘டிமான்ட்டி காலனி 2’ உருவாகியுள்ளது. முதல் பாகத்தை இயக்கிய அஜய் ஞானமுத்துவே இரண்டாம் பாகத்தையும் இயக்கியுள்ளார். அருள்நிதி நாயகனாக நடிக்கும் இப்படத்தில் பிரியா பவானி சங்கர் முன்னணி கதாபாத்திரத்தில் நடித்துள்ளார்.
இப்படத்திற்கு சாம்.சிஎஸ் இசையமைத்துள்ளார். இந்த நிலையில், இந்த படத்தின் டிரெய்லர் சமீபத்தில் வெளியாகி ரசிகர்களிடம் நல்ல வரவேற்பு கிடைத்தது. தொடர்ந்து, ‘டிமான்ட்டி காலனி 2’ படத்தின் புதிய அப்டேட் வெளியாகியுள்ளது.
அதன்படி, ‘டிமான்ட்டி காலனி 2’ படம் ஏப்ரல் 12ஆம் தேதி ரிலீஸாக உள்ளதாக சமூக வலைத்தள்களில் தகவல் பரவி வருகிறது. தொடர்ந்து இது குறித்த அதிகாரப்பூர்வமான தகவலை எதிர்பார்த்து ரசிகர்கள் காத்திருக்கின்றனர்.
