Director Hari: இயக்குநர் ஹரி இயக்கத்தில் நடிகர் விஷால் நடிக்கும் திரைப்படம் ‘ரத்னம்’. தாமிரபரணி, பூஜை படங்களுக்கு பிறகு இருவரும் இணையும் மூன்றாவது படம் இதுவாகும். இது விஷாலின் 34ஆவது படமாகும். இந்தப் படத்தில் விஷாலுக்கு ஜோடியாக பிரியா பவானி சங்கர் நடிக்கிறார்.
மேலும், கவுதம் வாசுதேவ் மேனன், சமுத்திரக்கனி, யோகிபாபு உள்ளிட்ட பல முன்னனி நடிகர்கள் நடிக்கின்றனர். இந்தப் படத்தை ஜீ ஸ்டூடியோஸ் சவுத் மற்றும் ஸ்டோன்பெஞ்ச் ஃபிலிம்ஸ் நிறுவனங்கள் இணைந்து தயாரிக்கின்றன.
இந்தப் படத்திற்கு தேவி ஸ்ரீ பிரசாத் இசையமைக்கிறார். விவேகா பாடல்களை எழுதுகிறார். இதன் படப்பிடிப்புகள் பல்வேறு மாவட்டங்களில் விறுவிறுப்பாக நடைபெற்ற நிலையில் சமீபத்தில் படப்பிடிப்பு நிறைவு பெற்றது.
இந்த நிலையில், தற்போது படம் குறித்த புதிய அப்டேட் ஒன்று வெளியாகியுள்ளது. அதன்படி, ‘ரத்னம்’ படத்தின் பர்ஸ்ட் சிங்கிளான ‘Don’t Worry Da Machi’ பாடல் இன்று (மார்ச்.09) வெளியானது.
இந்த பாடல் வெளியீட்டு விழா சென்னை விஐடி கல்லூரியில் நடைபெற்றது. இந்த விழாவில் பேசிய இயக்குநர் ஹரி, “எனக்கு ஒரு நல்ல ஆக்ஷன் படம் பண்ண வேண்டும் என நினைத்து இருந்தேன்.
ஏற்கனவே விஷாலுடன் இரண்டு படங்கள் பண்ணி இருந்தாலும் ‘ரத்னம்’ படம் அதிலிருந்து வித்தியாசமாகவும் பெரிய ஆக்ஷன் கலந்த படமாக இருக்கும். நான் இயக்கிய ‘சாமி’, ‘சிங்கம்’ படத்தைப் போல ஒரு ஆக்ஷன் பட எனர்ஜி இந்த படத்திலும் இருக்கிறது.
விஷாலும் இந்த படத்தில் வேற லெவலில் ஆக்ஷன் பண்ணியிருக்கிறர். விஷால் எனக்காக இந்த படத்தில ‘தாமிரபரணி’ பட விஷாலாக வந்து நின்னார். படம் முழுவதும் முடிந்துவிட்டது. இன்றைக்கு ‘ரத்னம்’ படத்தின் ‘பர்ஸ்ட் சிங்கிள்’ உங்கள் முன்னாடி வெளியிட இருப்பது மகிழ்ச்சி” என்றார்.
