‘The Greatest of all Time’: இயக்குநர் வெங்கட் பிரபு இயக்கத்தில் நடிகர் விஜய் நடிக்கும் படம் ‘The Greatest of all Time’. இந்த படத்தை ஏஜிஎஸ் தயாரிப்பு நிறுவனம் தயாரித்து வருகிறது.
தளபதிக்கு ஜோடியாக நடிகை மீனாட்சி சவுத்ரி நடிக்கிறார். மேலும், சினேகா மற்றும் லைலா ஆகியோர் முக்கிய கதாபாத்திரத்தில் நடிக்கவுள்ளனர்.
அதுமட்டுமல்லாமல் நடிகர்கள் இந்த படத்தில் பிரசாந்த், மோகன், பிரபுதேவா, ஜெயராம், கணேஷ், யோகிபாபு, அஜ்மல் அமீர், வைபவ், பிரேம் ஜி, அரவிந்த் ஆகாஷ், அஜய் ராஜ், சினேகா, லைலா, மீனாட்சி சவுத்ரி ஆகியோர் முக்கிய கதாபாத்திரங்களில் நடிக்கின்றனர்.
ஏ.ஜி.எஸ். நிறுவனம் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார். இந்த படத்தின் படப்பிடிப்பு தீவிரமாக நடைபெற்று வருகிறது. கடந்த இரண்டு நாட்களாக ‘The Greatest of all Time’ படத்தின் பர்ஸ்ட் சிங்கிள் வெளியாக இருப்பதாக தகவல் வெளியானது.
மேலும், படம் குறித்த அப்டேட் கொடுங்கள் என ரசிகர்கள் கேள்வி எழுப்பி வருகின்றனர். இதனால், கடுப்பான இயக்குநர் வெங்கட்பிரபு தனது ‘X’ தளத்தில் பதிவு ஒன்றை வெளியிட்டுள்ளார்.
அதில், “அநியாயம் பண்ணாதீங்க.. அப்டேட் மிக விரைவில் நண்பா நண்பீஸ்.. என்னை நம்புங்க இது சிறப்பான அப்டேட்டாக இருக்கும்” என குறிப்பிட்டுள்ளார். இந்த பதிவு தற்போது சமூக வலைத்தளங்களில் வைரலாகி வருகிறது.
