‘Chiyaan 62’: சித்தா பட இயக்குநர் அருண்குமார் இயக்கத்தில் விக்ரம் தனது 62ஆவது படத்தில் நடிக்கிறார். இந்த படத்தில் எஸ்.ஜே.சூர்யா இணைந்துள்ளதாக அறிவிக்கப்பட்டுள்ளது.
‘சியான் 62’ படத்திற்கு ஜி.வி.பிரகாஷ்குமார் இசையமைக்கிறார். இந்த படத்தை சிபு தமின்ஸ் தயாராகின்றார். இந்த படம் ஒரு அதிரடி ஆக்ஷன் கதையாக அமைந்துள்ளது.
இந்த நிலையில், எஸ்.ஜே.சூர்யா இந்த படத்தில் வில்லன் கதாபாத்திரத்தில் நடிப்பதாக தகவல் வெளியாகியுள்ளது. ஏற்கனவே இவர் ‘மெர்சல்’, ‘மாநாடு’, ‘மார்க் ஆண்டனி’ போன்ற படங்களில் வில்லனாக நடித்த நிலையில் மீண்டும் இவர் வில்லனாக நடிக்க இருக்கிறார்.
இந்த ‘சியான் 62’ படத்தில் மொத்தம் மூன்று வில்லன்கள் நடிக்க இருக்கின்றனர். அதில் ஒரு வில்லன் தான் எஸ்.ஜே.சூர்யா என கூறப்படுகிறது. அதனைத் தொடர்ந்து, இந்த படத்தில் மலையாள நடிகர் சூரஜ் வெஞ்சரமூடு இணைந்துள்ளதாக அறிவிக்கப்பட்டது.
இந்த நிலையில் தற்போது ‘சியான் 62’ படத்தின் புதிய அப்டேட் ஒன்று வெளியாகவுள்ளது. அதன்படி, ‘சியான் 62’ படத்தில் DOP தேனி ஈஸ்வர் இணைந்துள்ளார்.
தமிழ் சினிமாவின் முக்கிய ஒளிப்பதிவாளர்களுல் ஒருவர் தேனி ஈஸ்வர். ‘சிவப்பதிகாரம்’, ‘கற்றது தமிழ்’, ‘வெண்ணிலா கபடிகுழு’ போன்ற படங்களில் தொடங்கி தற்போது ‘தரமணி’, ‘கர்ணன்’, ‘மாமன்னன்’ போன்ற படங்களுக்கு ஒளிப்பதிவு செய்திருக்கிறார்.
தற்போது ‘சியான் 62’ படத்திற்கும் ஒளிப்பதிவு செய்ய இருக்கிறார். இது குறித்த அதிகாரப்பூர்வமான தகவலை படக்குழு போஸ்டர் மூலம் அறிவித்துள்ளது. தற்போது இந்த பதிவு சமூக வலைத்தளங்களில் வைரலாகி வருகிறது.
