Ghilli Rerelease: தமிழ் சினிமாவின் தளபதி என ரசிகர்களால் அழைக்கப்படுபவர் நடிகர் விஜய். இவரது ஆரம்பக்கட்ட படங்கள் சரிவர ரீச் ஆகாமல் இருந்த நிலையில் ஒரு சில படங்கள் மட்டும் விஜய்யை தூக்கிவிட்டது. அந்த வகையில், நடிகர் விஜய்க்கு மிகப்பெரிய திருப்புமுனையாக அமைந்த படம் ‘கில்லி’.
இயக்குநர் தரணி இயக்கத்தில் உருவான இந்த படம் 2004ஆம் ஆண்டு ஏப்ரல் 17ஆம் தேதி ரிலீஸ் ஆனது. படம் வெளியாகி தமிழ்நாடு முழுவதும் மிகப்பெரிய வெற்றியை பெற்றது. ‘கில்லி’ படம் தமிழ் சினிமாவில் ரூ.50 கோடி வசூலித்த முதல் திரைப்படம் என்கிற சாதனையை படைத்தது.
‘கில்லி’ திரைப்படம் வெளியாகி 20 ஆண்டுகள் நிறைவடையவுள்ள நிலையில் இந்த படம் வருகிற ஏப்ரல் 17ஆம் தேதி ரீரிலீஸ் ஆகவுள்ளதாக தயாரிப்பு நிறுவனம் முடிவு செய்துள்ளதாக தகவல் வெளியாகியுள்ளது.
‘கில்லி’ திரைப்படம் 4K டிஜிட்டல் தரத்தில் மீண்டும் திரைக்கு வர இருப்பதாக சமூக வலைத்தளங்களில் வைரலாக பரவி வந்தது. இந்த நிலையில், தற்போது ‘கில்லி’ படத்தின் ரீ ரிலிஸ் தேதியை படக்குழு வெளியிட்டுள்ளது.
அதன்படி, ‘கில்லி’ திரைப்படம் 4K டிஜிட்டல் தரத்தில் வருகிற ஏப்ரல் 17ஆம் தேதி ரீ ரிலீஸாக உள்ளது. இதனால், விஜய் ரசிகர்கள் பெரும் உற்சாகத்தில் உள்ளனர். தொடர்ந்து, படத்தின் ரிலீஸ் தேதி அறிவிப்பிற்கான போஸ்டர் சமூக வலைத்தளங்களில் வைரலாகி வருகிறது.
