‘Kadhale Kadhale’: இயக்குநர் பிரேம்நாத் இயக்கத்தில் நடிகர் மஹத் நடிக்கும் திரைப்படம் ‘காதலே காதலே’. இந்த படத்தில் மஹத்திற்கு ஜோடியாக மீனாட்சி கோவிந்தராஜன் நடித்திருக்கிறார்.
ஸ்ரீவாரி பிலிம்ஸ் பி.ரங்கநாதன் வழங்கும் இந்த படத்தில் மூத்த இயக்குநர் பாரதிராஜா, வி.டி.வி கணேஷ், கே.எஸ்.ரவிக்குமார், ரவீனா ரவி உள்ளிட்ட பலர் நடித்திருக்கின்றனர்.
மேலும், இந்த படத்திற்கு விஷால் சந்திரசேகர் இசையமைக்கிறார். சுதர்ஷன் கோவிந்தராஜன் ஒளிப்பதிவு செய்ய, தியாகு எடிட் செய்கிறார். இன்றைய நவீன கால காதலை வேடிக்கையாக எடுக்கப்பட்டுள்ளதாக இயக்குநர் கூறியுள்ளார்.
இந்த நிலையில், தற்போது படம் குறித்த புதிய அப்டேட் ஒன்று வெளியாகியுள்ளது. அதன்படி, ‘காதலே காதலே’ படத்தின் படப்பிடிப்பு முடிவடைந்ததாக படக்குழு அறிவித்துள்ளது.
மேலும், இதனை படக்குழு கேக் வெட்டி கொண்டாடியுள்ளது. இது குறித்த புகைப்படங்கள் தற்போது சமூக வலைத்தளங்களில் வைரலாகி வருகிறது. இந்த ‘காதலே காதலே’ படம் அக்டோபர் மாதம் ரிலீஸாக இருப்பதாக கூறப்படுகிறது.
