Kamal Haasan: மக்கள் நீதி மய்யம் தலைவர் நடிகர் கமல்ஹாசன், கடந்த சில நாட்களுக்கு முன்பு நாடாளுமன்ற தேர்தலில் திமுக கூட்டணிக்கு ஆதரவாக பரப்புரை செய்யப்போவதாக அறிவித்தார்.
மேலும், நாடாளுமன்ற தேர்தல் நெருங்கும் நிலையில் கமல்ஹாசன் அரசியலில் தீவிரமாக செயல்பட்டு வருகிறார். இந்த நிலையில், தற்போது மணிரத்னம் இயக்கத்தில் உருவாகும் ‘தக் லைஃப்’ படத்தில் நடிக்க முடியாமல் போனது.
முதற்கட்ட படப்பிடிப்பை சென்னையில் முடித்துவிட்டு இந்த மாதம் சைபீரியா செல்ல இருந்தார். ஆனால், தற்போது கமல் நடிக்கவிருந்த படப்பிடிப்பு திடீரென ரத்து செய்யப்பட்டுள்ளது.
மேலும், இந்த ‘தக் லைஃப்’ படத்தில் கமல்ஹாசன் மூன்று கதாபாத்திரங்களில் நடிப்பதாக தகவல் வெளியாகி வருகிறது. இந்த நிலையில், கமல் தனது படப்பிடிப்பை நிறுத்திவிட்டு அரசியல் பணிகளில் தீவிரம் காட்டி வருகின்றனர்.
இதனால், கமல் ரசிகர்கள் கொஞ்சம் அப்செட்டில் உள்ளனர். கமலின் அரசியலை விரும்பாத பல்வேறு ரசிகர்கள் கமலின் நடிப்பையும், அவரது படங்களையும் விரும்பி பார்த்து வருகின்றனர்.
அந்த வகையில், தக் லைஃப் படத்தின் மீதான் எதிர்பார்ப்பு ரசிகர்களிடம் அதிகரித்துள்ளது. தற்போது கமல் மூன்று கதாபாத்திரங்களில் நடிப்பதாக வெளியான செய்தியைத் தொடர்ந்து, சீக்கிரம் படப்பிடிப்புக்கு சென்று விரைவில் படத்தை முடிக்குமாறு ரசிகர்கள் கேட்டுக்கொண்டு வருகின்றனர்.
