Kanguva Teaser: இயக்குநர் சிவா இயக்கத்தில் சூர்யா நடிப்பில் உருவாகி வரும் திரைப்படம் ‘கங்குவா’. இந்த படத்தை ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கிறது.
இந்த படத்தில் பாலிவுட் நடிகை திஷா பதானி, கோவை சரளா, ஆனந்த் ராஜ், யோகி பாபு, கிங்ஸ்லி உள்ளிட்ட பலர் நடிக்கின்றனர். பாபி தியோல் வில்லனாக நடிக்கிறார். இந்த படத்திற்கு தேவி ஸ்ரீ பிரசாத் இசையமைக்கிறார்.
சரித்திர படமாக உருவாகும் கங்குவா, 10 மொழிகளில் வெளியாகவுள்ளதாக கூறப்படுகிறது. சமீபத்தில் இந்த படத்தின் பர்ஸ்ட் லுக் மற்றும் செகண்ட் லுக் போஸ்டர்கள் வெளியாகி ரசிகர்களிடம் நல்ல வரவேற்பு பெற்றது.
அதன் காரணமாக, ‘கங்குவா’ ரிலீஸில் பாதிப்பு ஏற்படும் என கூறப்படுகிறது. இந்த நிலையில் தற்போது ‘கங்குவா’ குறித்த புதிய அப்டேட் ஒன்று வெளியாகியுள்ளது.
அதன்படி ‘கங்குவா’ படத்தின் டீசர் நாளை மாலை 4:30 மணிக்கு வெளியாகும் என தயாரிப்பு நிறுவனம் தனது ‘X’ தளத்தில் பதிவு வெளியிட்டது. இந்த பதிவு தற்போது சமூக வலைத்தளங்களில் வைரலாகி வருகிறது.
