52 நாட்களை கடந்த ‘மஞ்சும்மல் பாய்ஸ்’.. எத்தனை கோடி வசூல் தெரியுமா?

0
57

Manjummel boys: மலையாள இயக்குநர் சிதம்பரம் பொடுவால் இயக்கத்தில் சௌபின் ஷாஹிர், ஸ்ரீநாத் பாஸி உள்ளிட்ட பல இளம் நடிகர்கள் நடித்து மாபெறும் ஹிட்டாகியுள்ள படம் ‘மஞ்சும்மல் பாய்ஸ்’.

இந்த படம் கடந்த பிப்ரவரி 22ஆம் தேதி ரிலீஸானது. கமல்ஹாசனின் ‘குணா’ படத்தில் இடம்பெற்ற குகையை அடிப்படையாக வைத்து உருவாகியுள்ள இப்படத்திற்கு தமிழ்நாட்டில் ஹவுஸ் ஃபுல்லாகி ஓடிக்கொண்டிருக்கிறது.

கேரளா, தமிழ்நாடை தொடர்ந்து தெலங்கானாவிலும் ‘மஞ்சும்மல் பாய்ஸ்’ ரிலீஸாகி சக்கப்போடு போட்டுக்கொண்டிருக்கிறது. நாளுக்கு நாள் அங்கு திரையரங்குகளின் எண்ணிக்கை அதிகரித்துக்கொண்டே இருக்கிறது.

இந்த நிலையில் தற்போது படம் குறித்த புதிய அப்டேட் ஒன்று வெளியாகியுள்ளது. அதன்படி, ‘மஞ்சும்மல் பாய்ஸ்’ ரிலீஸாகி இன்றுடன் 54 நாட்கள் ஆன நிலையில் இன்றுடன் 236 கோடி ரூபாய் வசூல் செய்துள்ளது. கேரளாவில் மட்டும் 71.8 கோடி ரூபாய் வசூலாகியுள்ளது.

மற்ற மாநிலங்களில் 91.7 கோடி ரூபாய் வசூல் செய்துள்ளது. வெளிநாடுகளில் 72.5 கோடி ரூபாய் வசூல் செய்துள்ளது. மேலும் இந்த படத்திற்கு தொடர்ந்து வசூல் அதிகரிக்கும் என எதிர்பார்க்கப்படுகிறது.

இதற்கிடையே இந்த ‘மஞ்சும்மல் பாய்ஸ்’ படம் டிஸ்னி ஹாட்ஸ்டார் ஓடிடியில் ரிலீஸாகவுள்ளது. தமிழ் மற்றும் மலையாள மொழிகளில் ஏப்ரல் இரண்டாவது வாரத்தில் வெளியாகும் என தகவல் வெளியாகியுள்ளது.

திரையரங்குகளில் கிடைத்த வரவேற்பு போலவே ஓடிடி தளத்திலும் இந்த படத்திற்கு நல்ல வரவேற்பு கிடைக்கும் என எதிர்பார்க்கப்படுகிறது.

LEAVE A REPLY

Please enter your comment!
Please enter your name here