Merry Christmas Trailer: வெளியானது விஜய் சேதுபதியின் ‘மெரி கிறிஸ்துமஸ்’ டிரைலர்..!

0
64

Merry Christmas Trailer: நடிகர் விஜய் சேதுபதி மற்றும் கத்ரினா கைஃப் நடித்து திரைக்கு வரவுள்ள ‘மெரி கிறிஸ்துமஸ்’ படத்தின் டிரைலர் இன்று வெளியாகி நல்ல வரவேற்பைப் பெற்றுள்ளது.

நடிகர் விஜய் சேதுபதி மற்றும் கத்ரினா கைஃப் நடித்துள்ள திரைப்படம் ‘மெரி கிறிஸ்துமஸ்’. இந்த படத்தை டிப்ஸ் ஃபிலிம்ஸ் மற்றும் மேட்ச்பாக்ஸ் பிக்சர்ஸ் (Matchbox pictures) இணைந்து தயாரித்து வழங்கவுள்ளது. ஜானி கதார், பத்லாபூர் மற்றும் அந்தாதுன் ஆகிய படங்களை இயக்கிய இயக்குநர் ஶ்ரீராம் ராகவன் இந்தப் படத்தை இயக்கியுள்ளார்.

இது இவருடைய முதல் தமிழ்ப் படம் என்பது குறிப்பிடத்தக்கது. அதேபோல கத்ரினா கைஃப் முதல்முறையாக தமிழில் கதாநாயகியாக அறிமுகமாகிறார். ஶ்ரீராம் ராகவன் இயக்கத்தில் வெளிவந்த படங்களில் இருந்து இந்த படம் சற்று வேறுபட்டு, வித்தியாசமாக இருக்கும் எனக் கூறப்படுகிறது.

‘மெரி கிறிஸ்துமஸ்’ இரண்டு மொழிகளில் வெவ்வேறு துணை நடிகர்களுடன் படமாக்கப்பட்டுள்ளது. தமிழ்ப் பதிப்பில் ராதிகா சரத்குமார், சண்முகராஜா, கவின் ஜெய் பாபு மற்றும் ராஜேஷ் வில்லியம்ஸ் ஆகியோர் நடித்துள்ளனர்.

அதே நேரத்தில் அதே வேடங்களில் இந்தி பதிப்பில் சஞ்சய் கபூர், வினய் பதக், பிரதிமா கண்ணன், டின்னு ஆனந்த் ஆகியோர் இணைந்து நடித்துள்ளனர். இது நிச்சயமாக உலகெங்கிலும் உள்ள ரசிகர்களுக்கு கூடுதல் எதிர்பார்ப்பை உருவாக்கும் என படக்குழு தெரிவித்துள்ளது.

இந்நிலையில், இப்படத்தின் டிரைலர் இன்று (டிச.20) வெளியாகி ரசிகர்கள் மத்தியில் நல்ல வரவேற்பை பெற்றுள்ளது. இந்தப் படம் ஒரு சிறந்த பொழுதுபோக்கு படமாகவும், பார்வையாளர்களைக் கவர்ந்திழுக்கும் வகையிலும் இருக்கும் என ரசிகர்கள் எதிர்பார்க்கலாம்.

மெரி கிறிஸ்துமஸ் உலகம் முழுவதும் டிசம்பர் 15ஆம் தேதியன்று வெளியாகவுள்ளதாக அறிவிக்கப்பட்ட நிலையில் பின்னர் 2024ஆம் ஆண்டு ஜனவரி 12ஆம் தேதி திரைக்கு வரவுள்ளதாக படக்குழு அறிவித்தது.

LEAVE A REPLY

Please enter your comment!
Please enter your name here