மெகா பவர்ஸ்டாரின் ‘கேம் சேஞ்சர்’.. மாஸாக வெளியான பர்ஸ்ட் சிங்கிள்..!

‘GameChanger First single’: தமிழ் திரையுலகின் முன்னணி இயக்குநரான ஷங்கர், நடிகர் ராம் சரணை வைத்து ‘கேம் சேஞ்சர்’ என்ற படத்தை இயக்கி வருகிறார்.

இப்படத்தில் கியாரா அத்வானி கதாநாயகியாக நடிக்கிறார். மேலும், எஸ்.ஜே.சூர்யா, அஞ்சலி, ஸ்ரீகாந்த், சமுத்திரக்கனி உள்ளிட்ட பல முக்கிய நடிகர்கள் நடிக்கின்றனர்.

ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜு இப்படத்தை தயாரிக்கிறார். இந்தப் படத்திற்கு தமன் இசையமைக்கிறார். இப்படத்தின் பணிகள் விறுவிறுப்பாக நடைபெற்று வருகிறது.

இந்நிலையில், ‘கேம் சேஞ்சர்’ திரைப்படத்தின் ரிலீஸ் தேதி குறித்து ரசிகர்கள் கேள்வி எழுப்பி வந்த நிலையில் தயாரிப்பாளர் தில் ராஜு, ‘கேம் சேஞ்சர்’ திரைப்படம் 2024ஆம் ஆண்டு செப்டம்பர் மாதம் வெளியாகும் என அறிவித்திருந்தார்.

ஆனால், பவன் கல்யாண் நடித்து வரும் ‘ஓஜி’ படமும் செப்டம்பர் மாதம் 27ஆம் தேதி வெளியாகும் என அறிவிக்கப்பட்டுள்ளது. இதனால், ‘கேம் சேஞ்சர்’ படம் ரிலீஸாக வாய்ப்பில்லை என கூறப்படுகிறது.

இதனால், ராம் சரண் ரசிகர்கள் ஷங்கர் மீது அதிருப்தியில் இருந்து வருகின்றனர். இந்த நிலையில், ‘கேம் சேஞ்சர்’ படத்தின் முதல் பாடலான ‘ஜரகண்டி’ என்ற பாடல் இன்று (மார்ச்.27) வெளியானது.

வெளியான சில மணிநேரங்களிலேயே இந்த ‘ஜரகண்டி’ பாடல் ரசிகர்களால் கொண்டாடப்பட்டு வருகிறது. தொடர்ந்து, இந்த பாடல் இணையத்தில் வைரலாகி வருகிறது.

ராம் சரணின் பிறந்த நாளான இன்று இந்த ‘ஜரகண்டி’ பாடல் வெளியிடப்பட்டுள்ளது. முன்னதாக, ராம் சரணின் பிறந்த நாள் அன்று படமே ரிலீஸாகும் என கூறப்பட்டு வந்த நிலையில் தற்போது முதல் பாடல் வெளியாகவுள்ளது.