‘Rebel’: இயக்குநர் நிக்கேஷ் இயக்கத்தில் நடிகர் ஜி.வி.பிரகாஷ் குமார் நடிக்கும் திரைப்படம் ‘ரெபெல்’. இந்த படத்தில் மமிதா பைஜு, வெங்கிடேஷ் வி.பி, ஷாலு ரகிம், கருணாஸ் உள்ளிட்ட பல முன்னனி நடிகர்கள் நடிக்கின்றனர்.
இந்த படத்தை ஸ்டுடியோ கிரீன் சார்பில் கே.இ.ஞானவேல் ராஜா தயாரிக்கிறார். இந்த படத்திற்கு கதாநாயகன் ஜி.வி.பிரகாஷ்குமார் இசையமைக்கிறார். மேலும், படத்திற்கு அருண் ராதாகிருஷ்ணன் ஒளிப்பதிவு செய்துள்ளார்.
இந்தப் படத்தின் டிரைலர் வெளியாகி ரசிகர்களிடம் நல்ல வரவேற்பு பெற்றது. இந்த டிரைலரை நடிகர் தனுஷ் வெளியிட்டார். தமிழ்நாடு மாணவருக்கும் கேரள இளைஞர்களுக்கும் நடுவே நடக்கும் பிரச்சினை தான் இந்த படத்தின் கதையாக உருவாக்கப்பட்டுள்ளது.
இந்த நிலையில், தற்போது படம் குறித்த அடுத்த அப்டேட் ஒன்று வெளியாகியுள்ளது. அதன்படி, ‘ரெபெல்’ படத்தின் ‘அழகான சதிகாரி’ என்ற பாடல் நாளை வெளியாகவுள்ளது.
இது குறித்த போஸ்டரை படக்குழு வெளியிட்டது. அந்த போஸ்டரில், ‘ரெபெல்’ படத்தின் ‘அழகான சதிகாரி’ என்ற நாளை மாலை 6 மணிக்கு வெளியாகும் என அறிவிக்கப்பட்டுள்ளது. தற்போது இந்த போஸ்டர் சமூக வலைத்தளங்களில் வைரலாகி வருகிறது.
