‘Thug life’ : இயக்குநர் மணிரத்னம் நாயகன் படத்தை அடுத்து மீண்டும் கமலை வைத்து இயக்கும் திரைப்படம் ‘தக் லைஃப்’. இப்படத்தை ராஜ்கமல் நிறுவனம், மெட்ராஸ் டாக்கீஸ் நிறுவனம், ரெட் ஜெயண்ட் நிறுவனம் இணைந்து தயாரிக்கின்றன. ஏ.ஆர்.ரஹ்மான் இசையமைக்கிறார்.
இந்த ‘தக்லைப்’ படத்தில் திரிஷா, ஜெயம் ரவி, துல்கர் சல்மான், கவுதம் கார்த்திக், ஜோஜூ ஜார்ஜ் உள்ளிட்ட பலர் நடிக்கவுள்ளனர். இந்த நிலையில் தற்போது ‘தக் லைஃப்’ படத்தில் இருந்து துல்கர் சல்மான் விலகுவதாக தகவல் வெளியாகியுள்ளது.
தற்போது துல்கர் சல்மான் ‘லக்கி பாஸ்கர்’ படத்தில் நடித்து வருகிறார். இதனைத் தொடர்ந்து பல்வேறு படங்களில் அவர் கமிட்டாகி இருக்கிறார். இந்த நிலையில், தற்போது துல்கர் சல்மான் விலகுவதாக வெளியான தகவல் ரசிகர்களிடம் பெரும் அதிர்ச்சியை ஏற்படுத்தியுள்ளது.
இந்த நிலையில் தற்போது சமூக வலைத்தளங்களில் ஒரு செய்தி பரவி வருகிறது. அதில், ‘தக் லைஃப்’ படத்தில் இருந்து துல்கர் சல்மான் விலகுவதால் அந்த இடத்தில் நடிகர் சிம்பு நடிக்க வாய்ப்பிருப்பதாக கூறப்படுகிறது.
ஆனால், சிம்புவின் லைன் அப்பில் பல்வேறு படங்கள் இருக்கும் நிலையில் ‘தக் லைஃப்’ படத்தில் இணைய வாய்ப்பில்லை எனவும் ஒருதரப்பில் கூறப்படுகிறது. இந்த நிலையில் இது உண்மையாகுமா என ரசிகர்கள் ஆவலுடன் காத்திருக்கின்றனர்.
