Sasikumar – Nayanthara: தமிழ் சினிமாவின் முக்கிய இயக்குநர் பாலாவிடம் உதவி இயக்குநராக இருந்தவர் சசிகுமார். பல்வேறு படங்களில் உதவி இயக்குநராக இருந்த இவர், சுப்பிரமணியபுரம் என்ற கேங்க்ஸ்டர் படத்தை இயக்கி மாபெரும் ஹிட் கொடுத்தார்.
இந்த படத்தை தொடர்ந்து, அவருக்கு நடிப்பிலும் நல்ல வரவேற்பு கிடைத்தது. தொடர்ந்து, பல படங்களில் ஹீரோவாக நடித்து வந்தார். சமீபத்தில் இவர் நடிப்பில் வெளியான ‘அயோத்தி’ படம் மெகா ஹிட்டடித்தது.
இந்த நிலையில், தற்போது நடிகை நயன்தாராவை வைத்து புதிய படத்தை இயக்க இருப்பதாக தகவல் வெளியாகியுள்ளது. பெண்களை முன்னணிப்படுத்தும் விதமாக அமைந்திருக்கும் இந்த கதையின் நாயகியாக நயன்தாரா நடிக்கிறார்.
பல நாட்களுக்குப் பிறகு சசிகுமார் இயக்குநராக மீண்டும் களம் இறங்கும் நிலையில் நயன்தாராவை வைத்து அந்த படத்தை இயக்க இருப்பதால் ரசிகர்களிடம் பெரும் எதிர்பார்ப்பு உண்டாகியுள்ளது. தொடர்ந்து, இந்த படம் குறித்து அதிகாரப்பூர்வமான தகவல் வெளியாகும் என கூறப்படுகிறது.
