HBD SK: தமிழ் சினிமாவின் முன்னனி நடிகரான சிவகார்த்திகேயன் தற்போது ராஜ்குமார் பெரியசாமி இயக்கத்தில் ‘அமரன்’ படத்தில் நடித்து வருகிறார். இந்த படத்தைத் தொடர்ந்து, ஏ.ஆர்.முருகதாஸ் இயக்கத்தில் சிவகார்த்திகேயன் நடிக்க இருக்கிறார்.
இந்தப் படத்திற்கு தற்காலிகமாக ‘SK 23’ என பெயரிடப்பட்டுள்ளது. இந்த படத்திற்கு அனிரூத் இசையமைக்கிறார். இந்த படம் ஒரு அதிரடி ஆக்ஷன் கதையம்சமாக உருவாகி வருகிறது.
இந்த படத்தில் சிவகார்த்திகேயனுக்கு ஜோடியாக பூஜா ஹெக்டே, மிருணாள் தாக்கூர் நடிப்பதாக கூறப்பட்டு வந்த நிலையில், தற்போது ருக்மணி வசந்த் என்ற கன்னட நடிகை நடிக்க இருப்பதாக கூறப்படுகிறது.
இந்தப் படத்தின் பூஜை சமீபத்தில் நடைபெற்று படப்பிடிப்பு தொடங்கியது. இந்த நிலையில் இன்று சிவகார்த்திகேயன் தனது பிறந்த நாளை ‘SK 23’ இயக்குநர் ஏ.ஆர்.முருகதாஸ் மற்றும் படக்குழுவுடன் சேர்ந்து கேக் வெட்டி கொண்டாடியுள்ளார்.
மேலும், படக்குழுவினர் அனைவருக்கும் பிரியாணி வழங்கி தனது பிறந்த நாளை சிறப்பாக கொண்டாடியுள்ளார். தற்போது சிவகார்த்திகேயன் பிறந்த நாள் கொண்டாடும் புகைப்படங்கள் சமூக வலைத்தளங்களில் வைரலாகி வருகிறது.
