‘STAR Shoot Wrapped’: இயக்குநர் இளன் இயக்கத்தில் நடிகர் கவின் நாயகனாக நடிக்கும் திரைப்படம் ‘ஸ்டார்’. இந்த படத்தில் லால், அதிதி போஹங்கர், பிரீத்தி முகுந்தன், கீதா கைலாசம் உள்ளிட்ட பலர் நடித்துள்ளனர்.
பி.வி.எஸ்.என்.பிரசாத், ஶ்ரீநிதி சாகர் ஆகியோர் தயாரித்துள்ளனர். மேலும், இந்த படத்திற்கு யுவன் சங்கர் ராஜா இசையமைக்கிறார். எழில் அரசு ஒளிப்பதிவு செய்துள்ளார். பிரதீப் இ ராகவ் படத்தொகுப்பு செய்கிறார்.
இந்த நிலையில், படத்தின் புதிய அப்டேட்டை படக்குழு வெளியிட்டுள்ளது. அதன்படி, ‘ஸ்டார்’ படத்தின் ‘ஸ்டார் இன் தி மேக்கிங்’ என்ற பாடல் இன்று ரிலீஸ் ஆகியுள்ளது.
இந்த பாடலில் ஸ்டார் படத்தின் படப்பிடிப்பு காட்சிகள் இடம்பெற்றிருந்தன. தொடர்ந்து பாடலின் முடிவில் ‘Shoot Wrapped’ என குறிப்பிட்டுள்ளது. அதன் மூலம் ஸ்டார் படத்தின் படப்பிடிப்புகள் முடிவடைந்ததை படக்குழு உறுதி செய்துள்ளது.
