‘J.Baby’: இயக்குநர் சுரேஷ் மாரி இயக்கத்தில் உருவாகியுள்ள திரைப்படம் ‘ஜே.பேபி’. இந்த படத்தில் முன்னணி கதாபாத்திரங்களில் நடிகை ஊர்வசி மற்றும் நடிகர் அட்டகத்தி தினேஷ், மாறன் நடித்துள்ளனர்.
இந்த படத்தை இயக்குநர் பா.ரஞ்சித்தின் நீலம் புரோடக்ஷன் தயாரிக்கிறது. ஒரு வீட்டில் நடக்கும் எமோஷனல் காட்சிகளுடன் கூடிய கதையம்சம் கொண்ட படமாக உருவாகியுள்ளது.
மேலும், இந்த படத்திற்கு தணிக்கைக்குழு அதிகாரிகள் ஒரு கட் கூட கொடுக்காமல், ஒரு வசனத்தை கூட மியூட் பண்ணாமல் கிளீன் ‘U’ சான்றிதழ் கொடுத்துள்ளது.
சமீபத்தில் ‘ஜே.பேபி’ படத்தின் ‘Little Bit Crazy’ ப்ரோமோ சாங் வெளியாகி ரசிகர்களிடம் நல்ல வரவேற்பு பெற்றது. இந்த நிலையில், ‘ஜே.பேபி’ படத்தின் ஸ்பெஷல் பிரீமியம் ஷோ இன்று வெளியிடப்பட்டது.
இந்த பிரீமியம் ஷோவைப் பார்த்த நடிகர் பிரஷாந்த் படம் குறித்த பாசிட்டிவ் ரெஸ்பான்ஸ் கொடுத்துள்ளார். மேலும், படத்தின் தயாரிப்பாளரான பா.ரஞ்சித்திற்கு தனது வாழ்த்துகளை தெரிவித்துள்ளார்.
தொடர்ந்து, இதுகுறித்த புகைப்படங்கள் சமூக வலைத்தளங்களி வைரலாகி வருகிறது. இந்த படம் உலக மகளிர் தினமான மார்ச் மாதம் 8ஆம் தேதி ரிலீஸ் ஆகவுள்ளதாக படக்குழு அறிவித்துள்ளது.
