Valaiyam: இயக்குநர் மனோ பாரதி இயக்கத்தில் அதிரடி திரில்லராக உருவாகி வரும் திரைப்படம் ‘வளையம்’. இந்த படத்தில் நடிகை ஐஸ்வர்யா ராஜேஷ் முதன்மை கதாபாத்திரத்தில் நடிக்கிறார்.
நடிகர் தேவ் இந்தப் படத்தில் அறிமுகமாகிறார். இந்த படத்தை ஜி.டில்லி பாபுவின் ஆக்சஸ் பிலிம் பேக்டரி தாயாரிக்கிறது. இந்த படத்திற்கு மகேந்திர எம்.ஹென்றி ஒளிப்பதிவு செய்கிறார்.
‘ஓ மை கடவுளே’ படத்தின் மூலம் புகழ் பெற்ற பூபதி படத்தொகுப்பை மேற்கொள்கிறார். மேலும், இந்த படத்திற்கு மைக்கேல் பிரிட்டோ படத்திற்கு இசையமைக்கிறார்.
முன்னதாக இந்த படத்தின் பர்ஸ்ட் லுக் மற்றும் போஸ்டரை நடிகரும், இசையமைப்பாளருமான ஜி.வி.பிரகாஷ் தனது ‘X’ தளத்தில் வெளியிட்டார். அதனைத் தொடர்ந்து ‘வளையம்’ படத்தின் பூஜை நடைபெற்றது.
இந்த பூஜையில் நடிகர் விஜய்சேதுபதி கலந்துகொண்டார். மேலும், ‘வளையம்’ படத்தின் படக்குழுவினர் கலந்துகொண்டனர். இது குறித்த புகைப்படங்கள் சமூக வலைத்தளங்களில் வைரலானது.
இந்த நிலையில், தற்போது ‘வளையம்’ படத்தின் பூஜைக்கான கிளிம்ப்ஸ் வீடியோவை படக்குழு வெளியிட்டுள்ளது. இது குறித்த வீடியோவை படக்குழு தனது ‘X’ தளத்தில் வெளியிட்டுள்ளது.
