‘Manjummel Boys’: மலையாள இயக்குநர் சிதம்பரம் பொடுவால் இயக்கத்தில் சௌபின் ஷாஹிர், ஸ்ரீநாத் பாஸி உள்ளிட்ட பல இளம் நடிகர்கள் நடித்து மாபெறும் ஹிட்டாகியுள்ள படம் ‘மஞ்சும்மல் பாய்ஸ்’. இந்த படம் கடந்த பிப்ரவரி 22ஆம் தேதி ரிலீஸானது.
கமல்ஹாசனின் ‘குணா’ படத்தில் இடம்பெற்ற குகையை அடிப்படையாக வைத்து உருவாகியுள்ள இப்படத்திற்கு தமிழ்நாட்டில் ஹவுஸ் ஃபுல்லாகி ஓடிக்கொண்டிருக்கிறது.
இந்த படத்திற்கு சுஷின் ஷ்யாம் இசையமைத்துள்ளார். மேலும், இந்தப்படம் ஒரு உண்மை சம்பவத்தை அடிப்படையாக கொண்டு உருவாக்கப்பட்டுள்ளது என்பது குறிப்பிடத்தக்கது.
கமல்ஹாசனின் தீவிர ரசிகரான இயக்குநர் சிதம்பரத்தையும் படக்குழுவினரையும் கமல்ஹாசன் நேரில் அழைத்து பாராட்டியுள்ளார். இது தொடர்பான புகைப்படங்கள் தற்போது சமூக வலைத்தளங்களில் வைரலாகி வருகிறது.
இந்த நிலையில், தற்போது கமல்ஹாசனை சந்திக்க அவரது அலுவலகம் சென்ற ‘மஞ்சும்மல் பாய்ஸ்’ படக்குழுவினர் ஆர்வத்துடன் காத்திருக்கும் வீடியோ ஒன்று வெளியாகி வைரலாகி வருகிறது.
கமல்ஹாசன் அலுவலக அறையில் படக்குழுவினர் காத்திருந்தபோது சட்டென வந்த கமல்ஹாசனைக் கண்டு மகிழ்ச்சியில் உறைந்துபோகினர். பின்னர், கமல்ஹாசன் படக்குழுவினருடன் அமைர்ந்து பேசினார்.
அப்போது, ‘படம் நன்றாக இருக்கிறது. குணா படத்தின் எண்டு இந்த படத்தில் வந்து முடிந்துள்ளது. கடையில் வரும் பாடலைக் கேட்டு சிலிர்த்து விட்டேன்” என பேசியுள்ளார். தற்போது இந்த வீடியோ வைரலாகி வருகிறது.
