‘Thalaivar 171 Titile’: இயக்குநர் த.செ.ஞானவேல் இயக்கத்தில் ரஜினிகாந்த் 170ஆவது படமான ‘வேட்டையன்’ படத்தில் நடித்து வருகிறார். இந்தப் படத்தை லைகா நிறுவனம் தயாரிக்கிறது. வேட்டையன் படத்தைத் தொடர்ந்து ரஜினிகாந்த், லோகேஷ் கனகராஜின் இயக்கத்தில் தலைவர் 171 படத்தில் நடிக்கவுள்ளார்.
இந்த படத்தை சன் பிக்சர்ஸ் தயாரிக்கிறது. மேலும், இந்த படத்திற்கு அனிருத் இசையமைக்கிறார். லோகேஷ் யுனிவர்ஸில் இருந்து இந்த படம் சற்று மாறுபட்ட படமாக இருக்கும் என லோகேஷ் கனகராஜ் ஒரு நேர்காணலில் கூறியிருந்தார்.
இந்தப் படம் போதைப்பொருளை அடிப்படையாகக் கொண்டது அல்ல என்பது உறுதியாகியுள்ளது. லோகேஷ் கனகராஜின் கேரியரில் ஒரு வித்தியாசமான திரைப்படமாக இருக்கும்.
‘தலைவர் 171’ படத்தில் ரஜினிக்கு எதிரான் ஒரு முக்கியமான வில்லன் கதாபாத்திரத்தில் நடிகர் ராகவா லாரன்ஸ் நடிக்கவுள்ளதாகவும் கூறப்படுகிறது. தொடர்ந்து இது குறித்த அதிகாரப்பூர்வமான தகவல் விரைவில் வெளியாகும் என எதிர்பார்க்கப்படுகிறது.
சமீபத்தில் ‘தலைவர் 171’ படத்தின் போஸ்டரை படக்குழு வெளியிட்டுள்ளது. மாஸ் லுக்கில் இருக்கும் ரஜினியின் கையில் தங்க வாட்ச்களுடன் கட்டப்பட்டு கைது செய்யப்பட்டது போல இருக்கிறது. இந்த போஸ்டர் தற்போது சமூக வலைத்தளங்களில் வைரலாகி வருகிறது.
இந்த படத்திற்கு ஒரு மிகப்பெரிய பட்ஜெட் ஒதுக்கப்பட்டுள்ளது. மேலும், ஐமேக்ஸ் கேமரா ஷூட் மற்றும் குறிப்பிட்ட காட்சிகள் படப்பிடிப்பு குறித்து படக்குழு திட்டமிட்டு வருகிறது. மேலும், படத்தின் முன்தயாரிப்பு வேலைகள் தற்போது நடந்து வருகின்றன.
தொடர்ந்து, இந்த ‘தலைவர் 171’ படத்தின் டைட்டில் நாளை (ஏப்ரல் 22) வெளியாகும் என கூறப்படுகிறது. ‘தலைவர் 171’ படத்தின் டைட்டில் ‘Eagle’, ‘Gold’, ‘RaaNaa’ உள்ளிட்ட பல பெயர்கள் சமூக வலைத்தளங்களில் பரவி வருகின்றன.
இந்த நிலையில், தற்போது இயக்குநர் லோகேஷ் கனகராஜ் தனது ‘X’ தளத்தில் பதிவு ஒன்றை வெளியிட்டுள்ளார். அதில், “நாளை மாலை 6 மணி முதல் D.I.S.C.O” என குறிப்பிட்டுள்ளார்.
இதனால், ‘தலைவர் 171’ படத்தின் டைட்டில் நாளை மாலை 6 மணிக்கு வெளியாகவுள்ளது என்பது உறுதியானது. ஆனால், லோகேஷ் குறிப்பிட்டுள்ள D.I.S.C.O-வுக்கு என்ன அர்த்தம் என்பது தெரியாமல் ரசிகர்கள் குழப்பத்தில் உள்ளனர்.
